يادار و ركاب الغلا لك مناويخ
انتي عظيمه في غلانا جديره
ندوج ب امنك لا عصابه وتفخيخ
من حد عرعر للجنوب وعسيره
أرضك وجوّك والجبال الشواميخ
ازكى تضاريسن بشبه الجزيره
يادار تحتك لابسين المجاويخ
هم جابرينك بالليال العسيره
مالطخو تربتك بالدم تلطيخ
الا لجل تبقين ب أمن وستيره
لك الصحف ومجلدات التواريخ
حاضر وماضي سجلو عنك سيره
مانفخو سيرتك بالكذب تنفيخ
نافخك فعل اللي رعاك ببعيره
فوق ارضك الجردا وفوق الصلابيخ
بناء على فجوجك ديارن كثيره
رعاك والله من لقاط الشماريخ
لين اصبحت خيرات ارضك وفيره
وبدل شلافينا قذايف صواريخ
وسيوفنا صارت سلاح وذخيره
و صقور جو تفرخ العز تفريخ
على سماك اعداك ماطار طيره
لم الشتات ورسخ العز ترسيخ
وخلا العشاير كل ابوها عشيره
هذي السعوديه بلاد المطانيخ
والراية الخضراء نعمنا بخيره
عبدالعزيز مفصخ الذل تفصيخ
العز لبسه - مايبي لبس غيره
مافيه مثله لا امامن ولا شيخ
والحاسد الملعون يزفر زفيره
هذا وطنا قبلة الدين وتفيخ
روسن تزم خشومها في نظيره
شعبك معاك اذا نبح دونك الذيخ
نامت عيونك ياوطنا قريره
سيري يادار منوخ الصعب تنويخ
سلمان جعل الله معاه و نصيره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.