?بيب بيب
_________________
( الشعر ) محتاج لعناية طبيب
( والمنابر شكلها ) تبغا صيانه
قام يشكي من تردّاي النصيب
والسبب من شلتن تقعد وزانه
اشتكا من شاعرن وضعه غريب
فالمنابر والقصور . يقول عانه ??
مستحيل انه عن الحفله يغيب
لو علجها في فمه مثل البانه
المعزّب لاتصل به ، قال : جيب
جيب لي من شعرك النادر بيانه
وامدح افعولي ، وقول اني لبيب
قول ربي في طريق الخير عانه
وجيب من راسك اذا تقدر تجيب
دام ماللشعر فالمنبر حصانه
لو قوافيها من الصدمه تشيب
العرب ما تجهلك ياليل دانه
يعرفون الصفره اللي ما تصيب
قبل تعرف موقعك في أي خانه
. يالاديب اللي نحسبنّك اديب
التعب كله هذا منهو عشانه ؟
ليه تمدح واحدن وجهه غضيب
وش بتلقا غير ، صح الله لسانه
مدح ملّا يستحق المدح عيب
لو تجاملك العرب وتقول : زانه
امدح اللي يستحق وله نصيب
واحدن عند العرب ( مرفوع شانه)
النشاما عند بيته (بيب بيب)??
تزبنه دايم . وهو جالس مكانه
#فهد_المنصوري
_______________
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.