قال من هو بدأ قاف ٍ يغني به
والتحيه تقلّط في بداياته
أن لفى الضيف من واجب معازيبه
التراحيب باللافي وجياته
طبعنا ياخذ اللافي مواجيبه
سلمنا ما يخلي الرجل عاداته
الكرامه ترى للضيف ترحيبه
وقولت ارحب هلا حزة ملاقاته
ورث جداننا حنا نماري به
نحشم الضيف والحشمه كراماته
الوفا للوفي غصب ٍ يجازي به
والتقارير ترفع في ملفاته
من بدا الطيب يذكر للعرب طيبه
والمواقف تسجل في سجلاته
والقلم لا كتب تحفظ مكاتيبه
والنتايج تبينها علاماته
كل شخص ٍ عرفنا ويش ترتيبه
ومن كتب هو بخيص ٍ في كتاباته
ما كشفنا على المخطي عذريبه
وكل واحد يجازى طيب مداته
والاجاويد كسب الطيب تحري به
ما تحسّب خطى الغالي و زلاته
من بحث في خفايا الناس ما لي به
ومن بحث سد يبحث له بغلطاته
يا هل العرف يوم القاف نبدي به
هل عرفتوا مقاصيدي بجابته؟
من بخص غايتي يقضب مقاضيبه
ومن فحص بالحكي يوصل لغايته
سجة القلب من سبة غثاريبه
وسجة الفكر تنبيها لك ابياته
تم قاف ٍ ختم به ختمة الهيبه
بصمة (النايف الزعبي) وسجاته
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.