نصيحه الوالدين. لـ سعد بن فايز الصريطي

نصيحه الوالدين - سعد بن فايز الصريطي

نصيحه نصيحه ماكتبها قلم فكتاب
وترا النصح في هذا الزمن صعب تلقونه

عليك ب ابوك وطاعت اللہ اهم اسباب
تغانم حياتك قبل فالقبر تبكونه

وامك ثم امك لاتقفل عليك الباب
تراها بوسط الصدر والقلب مكنونه

ترا والديكم قد تعنو شقى واتعاب
وترا حقهم لو صار والله ماتوفونه

علام الزمن صرنا بوسطه مثل لجناب
يصد الرجل من صاحبه مايجي دونه

ترا الاخ وابن العم واللي من الاقراب
حزام الرجل لو مال وقته يشدونه

وترا الاخ درعك يوم ياتونك الاغراب
وترا العم وابنه للمعالي يريدونه

وترا اللي تغرب عن اخوانه عليه اعتاب
وترا اللي يشدون الحبل مايهدونه

وترا لو تكاتفنا جميعن نكون احباب
تهون النفوس وكل شرن يزيلونه

ورفيقك رفيقك لارماك الزمان وصاب
تخير خويك واشتره لو يسومونه

عليك بخوين فالمواقف يجي كساب
فعال الجزايل عنده اليوم مضمونه

الى من حداك الوقت ماصد ولا غاب
هذا اللي عليه الطايله جعل يفدونه

وترا الثعلب المكار واللي سوات الداب
يقهويك من سمه ولو تضحك سنونه

ولا. تتبع الخايب ولاتتبع الكذاب
ولا تتبع اللي فالكرم مايحسبونه

ولاتتبع القايل ولا تتبع المغتاب
ولاتتبع اللي صورة الشر بعيونه

يحدك على فعل الردا والردا جذاب
ويحدك على الهانه ولو ماهيب مهيونه

الشاعر
سعد فايز الصريطي

تلقونه : يحصل تغانم

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.