اجنود الافكار صفّت كنها ف استلام
تشبه ( كتيبة حرس ) فالحد ببطالها
تجمّعت ف الخفوق وسبّبت لي زحام
قمت اتنّقا من اللي جا على بالها
وانا كما الضابط اللي ملتزم بالنظام
من وين ما وجّهه الافكار نبرالها
تكميلها يرتفع لي قبل وقت التمام
لا حان وقت المهمه شدّت ارحالها
من وين ببدا قصيدي يالرجال الحشام
فهارس المدح فيكم جيت مشتالها
يوم اذكر اني عتيبي معتلي للغمام
ابراج الارسال عندي يقطع ارسالها
في نفسي اقول : لازم تنكتب باهتمام
اللي على امجاد ربعي ترمي اعقالها
ربعن لهم في علو المجد بصمة ، بهام
وقفاتهم مع بعض تشهد لك الحالها
حتى فوقت مضى يوم البدو فالخيام
يوم العرب عايشه في حال يرثالها
اتقلّط الضيف فوق ام الشحم والسنام
واتصدّر اللي ورد وارها على جالها
متوارثين الكرم وانعامله باحترام
عاداتنا مستحيل اندوّر ابدالها
يوم المجالس لها حشمه وقدر ومقام
تستقبل الضيف والضيفان تعنالها
ما زخرفوها بجبس ولاتعرف الرخام
والناس تعرف منازلها ومدهالها
تشبه وزارة عدل قبل الظهر فالدوام
من كثرت الناس والضيفان في حلالها
عزي لحال البخيل اتقول معه انفصام
ماجوله الناس في بيته ، ولا جالها
يعيش في عزلته دايم علي الحرام
مجالسه من زمن وهي على حالها
الا بوقت عزا واستغفر الله حرام
ماني مفاول . وفال الله ولا فالها
لكن هذي حقيقه قبل مسك الختام
تقبولها مثل ماهي على حالها
حبيت اوضح خللها وابدي اسبابها
#فهد_المنصوري
________________
لا يوجد تعليقات.