اصبروا توه يأذن خالتي ما بعد جات
كنت أكلمها وقالت توها تنهى الفطور
تعرفون الوقت زحمة والا ما فيها فوات
كلها خطوة قريبة ثم تشرف بالحضور
شوفو باحجز هالمكان لا تعبونه فتات
خلها لا جت تاكل احسن انواع التمور
وصارت الساعة ثمان وخالتي ما بعد جات
و يشهد الله من غلاها قامت افكاري تجور
قمت اتمتم و أتلعثم ليه غابو في سكات
وخفت ! مدري ! بس اني كنت في اسواء شعور
يمه هاتفها مقفل !! و ما يردون البنات
وا لإمام أذن و صلى ما بقا الا السحور
كلميهم وسأليهم وين عهد الوافيات
طمني العالم دخيلك ما بقي للصبر دور
ردت أمي ثم صاحت لا تطرون الممات
وقتها قلبي خذلني وعادت قليبي صبور
غابت اسباب السعادة وانولد معنى الشتات
واستحل الدمع عين (ن) ما تكل و ما تبور
حكم ربي مانعارض يكفي كانو صايمات
خاتمه تبقى كريمه والمآسي بالصدور
فوق هذا تسألوني ليش اعتدت السكات
خالتي ماتت واماني فاتها عمر الزهور
ما بيدي غير ربي لا دعيته بالثبات
يرحم الله حالهم يوم ناموا في القبور
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.