إكسر جدار الصمت ياملازم الصمت
وإفتح على مكنون قلبك وبدّه
لوكان من واقع حياتك تعلّمت
غيرك عرف من هرجة الرجل سدّه
واللي على خاطرك لوماتكلّمت
يبين فيه الكره وإلا المودّه
إن كان مقصودك عن العذل والشمت
لوأرخي سموعي عرضت المصدّه
وإن كان قصدك غيرها لوتكرّمت
إقراء الكلام ولاتمعنت ودّه
أنا عن الشذّان ومطارده شمت
وكلٍ يبي يلبس من اللبس قدّه
التايهه لابعت فيها ولاسمت
وقسمي عزوم اللاش دونه تردّه
ماني جليسٍ له وعن رفقته صمت
عزي لمن وقته على اللاش حدّه
لوالبحر في غبته مابعد عمت
عرفت وش معناة جزره ومده
وأخذت من هرجة هل العرف وألزمت
نفسي على أن جاها لزومٍ تسده
وزيف الحقايق ينكشف لوتوهمت
لابد من بعد الرخاء وقت شده
ويبين نضح اللي على مرافقه لمت
المحزم اللي ينفلت وقت جدّه
حذرى تحطه محزمك لاتحيزمت
والا لحزاة اللوازم تعدّه
وإعرف مادام إنك على العاليه همت
ترى الردي تاطا برجليك خدّه
وإليا بغيت النايفه لاتعزّمت
تلقى بدرفي نايف الرجم عدّه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.