ياقريحه لادعى الهاجس عطيني
وجمليني يوم اقول البيت ليه
قومة الواجب عن العذرالسميني
ماقفاها لاكثير ولابليه
من مشاريه الرفيق اللي يبيني
لانشدني عن جديدي قلت ذيه
وعن محرفة الكلام اللايميني
دربها له عن مناهجهم نحيه
ياعزيزالدمع لوهلتك عيني
وش اقول ان قيل دن الهاشميه
مايبررهالك الجرح الدفيني
شرهة الوجنه على راحة يديه
ياعزيزالدمع لك قدرثميني
ماتعادله الكنوز المصرفيه
مارخلك سرمن بيني وبيني
والمحاجرتحفظ اسرارالقضيه
يوم قرب خافي الخافق يبيني
والله انه ماشعته الراعبيه
ولالمسحوب القصيد ولاالهجيني
ولامع اللي يلعبون السامريه
الروابع هدت الحرز المكيني
من يشيلك من يكبك ياطميه
والظروف القاسيه لوماتليني
الهقاوي بالعزوم المعنويه
لادحمت الناس بالجنب المتيني
ولاخصرت الناس واليا معليه
ان رحلت مسامحين الراحليني
وان بقيت اعيش في نجد العذيه
وكل ماغفت عقول الغافليني
والبطون الحاويه نامت مليه
وانتهى وقت السمر بالسامريني
ولابقى للي تحراها بقيه
عن شهودالصبح حروة ساعتيني
هي شوي ووزنها ماهوشويه
ياعزيزالدمع لله ركعتيني
إنكسر خوف ورجاءوالامرنيه
مايخيبني واناارفع له يديني
يدفقير في رجاء مده غنيه
اطلب الله واستعيذه حاجتيني
من سخطه اعوذوالنار اللظيه
وان رضى عني ورضيوا والديني
ياسلام الله على الدنيا الدنيه
ياعزيز الدمع لوهلتك عيني
ماخسرتك في رجاء رب البريه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.