في ثنايا الليل والفكرة تروح وتاتي....! - أورنس الهذال - الشمالي
في ثنايا الليل والفكرة تروح وتاتيواجهة حدب الضلوع وشتت بحتاتيالحزن شوفوا عيوني تعرفون شلونه!لكن العزه على الرجال فرض وديّهكل ماذعذع هبوب المرجلة في جوّيكنّ رديان العرب ماتدري إيش تسوّيفطرة(ن) ربي عطانيها يانعم الفطرةيالله بحمدك بدينا والصفا بالنيّهالبشر متفاوتين(ن) في طريق الطاعهبين طيب وبين حسد ليا قيام الساعههذي هي خلاصة الموقف ومنه اببداوهذي وجيه البشر وهذي الماريّهالشمال أرضي وبالتحديد ساكن (عرعر)والفشق لاصار طايش يكفي إنه يذعروإلا باطنّا وسيع وصدرنا شماليياأهل (الحسا) وشلون جيت هنيّهجيت شايل طيب إبوي وعزة(ن) من جديالصغير إن جا حولي أنفضه في يديولا على (النايم حرج) لاصار (ماواجهني)وكل رجال(ن) يجي بالوجه يالله حيّهماكتبت الشعر قصدي لعبة(ن) وألعب بهعارف(ن) وشلون أغوص فبحره وفي غبهكل ماشوّش عليّ أفكاره الشيطانيكل حرف(ن) بالحروف يصير بين إيديّهلا لمحتوني ثقلت وزاد حمل متونيوصارت هموم البشر هم(ن) مابين عيونيكل بحر(ن) بالشعر يطري على مواليوتنبني مثل الزلال بحبكة القافيّهماتوقفني صعوبتها لو أصعب معنىوأنشدوا عني فحول الشعر ومن يسمعناوالمعاني وافيه والله غافر ذنبيوالله يجمّل حضور الحاله النفسيّهكلها لعيون منهي تامر وتنهانيعلّني فدوة جمال الخالق الربانيساكنه وسط الضلوع ومستحلّه كلّيحسنها لو جيت أوصف شمس وإلا فيّهلاوصلت ليا الجفون أطلبك يالله عطفكأنت خابر بالنفوس وبالفتن يالطفكلانطق إسمي فديت ( الراء) بين حنوكهولاحضر دايم يردد إنت كلك ليّه( يازمن ) وش عاد باقي ماصنعته فينيملّتك دنياي والباقي بتالي سنينيكل ماوقف معاي الحظ جيت تحوسهثم يجيني منك راع الكلمة الموذيّهمار أوجهها لراع البيت خالق خلقهوالردي لو زاد غلّه راس ماله ( طلقه)والشجاع يموت بالدنيا وباقي ذكرهوالردي لو مات ورّث مثل جحر الحيّهالردى ماهو غريب وكثرهم تجارهمايجيك إلا ظهر لو كنت تحسب جارهوكل علم(ن) مافهم يجيه من يفهم لهواضحه مافيه ريب ولابها رمزيّهماسكنت (إ)من الديار إلا ديار الطيّبماهو بطيبه بعيد ولابغيت قريّبالكرم والجود والعزّه تعد سلومهالله بحكمه عطاها للنفوس الحيّهالمواقف تلزم الرجال يعلّم حالهالبخيل إن كان عايش الكريم قبالهوكل رجال(ن) يجي مايفعل إلا بأصلههذي هي خلاصة الموقف ماهي مخفيّه
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.