تعال بنلعب ( الشطرنج ) أنا وياك عل المكشوف
وأنا بحرك جنودي وابيك تحرك / جنودك
دفى يحمي محبتنا ولا فرقا عليها حسوف
بقرب ولمت أيدينك وعطر(ن) فاح / بخدودك
كذا.. يحلى كلام العشق وعيني للجمال تشوف
يضيع الوقت من بالي لأني ضعت / بحدودك
حبيبي والعمر غايب وعلمه ماهو (إ)بمعروف
لقيتك بعد ماذقت العذاب بغربة / صدودك
تعبت وللشقى بذكر سوات المغترب والخوف
يهيم بكل خطواته يخايل بارق / رعودك
تعبت الغربه في صدري تعايش في هواك طيوف
تلملم مابقى مني شتات وتجمع / (إ)عهودك
/تعال/إنثر على حضني حقايق وأرحم الملهوف
تجيني تقابل شهودي وأبيك تحضّر / شهودك
أنا/وليل(ن) تملكني/ونفس(ن) لونها مخطوف
تجمعني/وتشتتني/وتاقف في شذا / عودك
كذا/كنا بغربتنا جروح(ن) تنتثر بحروف
تعال/إكشف لي وش سوى الزمان بطلّت / ورودك؟
أو إسمع كلمتي يمكن تبرر للغياب (إ)ضروف
مادامك جالس(ن) عندي بعيش بروعة / ركودك
وأبيك تلون أوراقي بسحرك والوصوف وصوف
دلع/وإلا..غنج/وإلا..المهم /(إ)تجمل / وجودك
كذا/نبدى بديتنا ونبعدها عن أي كلوف
كذا/يعني كذا/ يعني طلبتك يرحم / جدودك
ونحكم لعبة ( الشطرنج ) ونلعبها على المكشوف
تحرك بي / وأحرك بك / وأموت بحكمت / جنودك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.