إلى كل غالي غايب.. (قصيدة بلا عنوان)
تعاندني هموم الليل ..وتساير على الكتمان
تجاريني على صمتي وثمّن تحني ضلوعي
على ما ذقت تشكي لي..ولا يشكي الظما رويان
تخط فصفحة الذكرى رسايل حبرها دموعي
أفا ما قد هقيت البعد ياخذ عن غلاي انسان
وأنا اللي دايم أتحسب مرد المقفي ارجوعي
رحلت ولين هاللحظة أقول فخاطري ما بان
بعده..و مندفن فيني صداه بصوت مسموعي
بعده فخافقي غالي.. ولا له بالغلا أثمان
بعده فخاطري حاضر.. ولا بالذكر مقطوعي
ألا يا غالي/ن ذكره ..عليك من الغلا تيجان
معك قلبي ولك روحي وكل الشوق مجموعي
إلين اليوم أنا أرقب تعوّد خافقك ولهان
إلين اليوم في قلبي غلاك ينور شموعي
إلين اليوم..وانته دوم في عين الغلا تزدان
يطيب لعيني اتشوفك وباقي الخلق ممنوعي
ألا يا وقت ما يرحم علامك زدتنا هجران؟
علام ان جيتك أشكيلك ترد القلب موجوعي؟
أشوف الموت لي أهون..ولاتفرق علي خلان
حلاة الموت لو باعيش فالهجران مفزوعي!
أنا بي كل دقة قلب شاعر هاجسه ظميان
يناشد عن روى روحي..ولاغيرك سقا روعي
كتب في كل طيف يمر من طيب القوافي دان
سقاها من صميم القلب بالأشواق ينبوعي
تمنى بس لو يقدر يوالفك بلقا.. لو حان
لعل يسد في لقياك من بعد الهير جوعي
تمنى يزهر بحبك من أطياب الزهر ريحان
تمنى من بعد ظلما تباشر شمسك اطلوعي
أواسيني بقولة "ياعسى"..يالين صبري هان
على طول التريي واطلعت الأشعار عن طوعي
دخيلك..كيف بس اختم قصيدة مالها عنوان
وأنا عفت القصايد دام عنك الذكر مرفوعي؟
دخيلك..مابقى فيني سوى روح/ن بلا انسان
تسلّيها على الفرقا..بقايا قصة ارجوعي
رقية محمد الشحي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.