إهداء لكل بنت سجين:
بليله ما بها نجمه ولا قمره ولا ألوان
م غير الظلمه ترعبني وانا اضويها بدمعاتي
أضوّي الليل لجل أقرى حكايه مالها عنوان
كتبها الضيم في صدري وانا أحكيها على شفاتي
بداية قصتي وآنا بعمر الورد يا بستان
زرعني حظي في أرضك ولقحني بآهاتي
سلبني كل عبير الحب ولي أهدى كدر وأحزان
ذبح فرحي وهو بمهده وسمم كل بسماتي
يعاندني ولايوقف بصفي حظي التعبان
يعاند كل أمل فيني .. يعاند ذاته وذاتي
عيون الناس ما ترحم تأشر هذي بنت فلان
أبوها خلف قضبان السجن مرمي وهي تحاتي
وانا أتغطى بخجل عنهم ، وأداري الحاجه والحرمان
أداري نظرة العالم وأفكر في معاناتي
ربيت ابمنفى وسط الناس .. ربى قلبي وهو ولهان
ربيت ودمع حزني دوم يعانق كل وساداتي
تصدق يا يبه ( نوره وحصه.. مريم وإيمان) !
بنات أعمامي انخطبوا وانا بعدي مع اخواتي
أفكر من يبينا بس ! وابونا خاوه الأدمان
قضى عمره وهو مسجون ، قضى الماضي مع الآتي
أنا بنت السجين اللي لعب في عقله الشيطان
ودمرني بيدّينه .. وضيع كل وجهاتي
تراني بحاجتك يابوي .. ابي طيبك ابي التحنان
ابي لا ضاق وسع الكون تكون انتا بداياتي
أمانه يا يبه تعرف بأنك كنت لي سجان
كلام الناس هو سجني وتعذيبي اهو سكاتي
أنا بنت السجين اللي لعب في عقله الشيطان
ودمرني بيدّينه .. وضيع كل وجهاتي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.