هات عطري

علموا اللي شغلني في حياتي وعمري
علموه ان حياتي معه عيت اتهيّا

الصبر مر وانا مليت من قل صبري
قلبي اللي توفى و جسمي للحين حيّا

كم صبرت وكتمت اللي في جوفي وصدري
وحان وقت اللي ماوالله يصعب عليّا

هاك كل ذكرياتك وهات مابي الا عطري
اي شيٍ يخصني ماأبي يذكرك فيّا

والقرار اللي فيدينك انتهى وصار بأمري
مااسمح لك تفكر تحت ظلي اتفيّا

وإن ذكرت ما مضى في يوم ما كنت ستري
استر اللي واجهته من حساني وسيّا