اسباب انعزالي

كلما اقبل دجى الليل وتهادا الظلام
خيّم الشوق في صدري وجاب اخبري
 
ياوليفي ترى ماني على مايرام
وانت سبة شقاي وضيقتي واكدري
 
لاتقول الظروف تغيّر. الاهتمام.
ماتكذّب صدوق ولاتهيّب جري.
 
اعرف انك تهنى في لذيذ المنام.
انت جرحك برى لكن جرحي طري
 
منك قمت اتوارى عن عيون الانام.
خايف من كلام الشامت المفتري.
 
مثل ماودي انه مايجيك الملام.
ودي انك من اسباب انعزالي بري.
#ساره_تركي‬⁩