انتصاري

هاض ليل القصيد وسايرته الطواري
وابتدا همي اللي كل ما غاب عوّد
 
ياوجودي وانا في عتمة الليل ساري
مثل مسرى غريب تايه ماتعوّد.
 
رحلة الحزن في درب الشقى والعزاري
عن بدايات نور في ضياه اتجوّد
 
امسك دروبه الوعره واحدد مساري
لين يشرق ويجلا كل وجه مسوّد.
 
شح صبري وانا ماني عن الوضع داري
كل ماقلت قصرت خطوة الهم زوّد
 
الاكيد اني اعرف لو يطول انتظاري
ان عزمي قوي لو ان دربي مكوّد.
 
اصبرو لين يسطع للظروف انتصاري
سطعة البدر في ليل الظلام المهوّد
#ساره_تركي‬⁩