ياصالح استاذن بلطف وركاده
ودي ارحب في كرام السبايل
ترحيب وافين يقدم لساده
لضيوفنا اللي من عموم القبايل
في ليلة فيها الفرح والسعاده
يلعب بها ويشوش والشك زايل
وكل من الشعار يقدح زناده
ويقنص شواردها بشتى الوسايل
والشاعر اللي مايكيف قناده
يموت مايسبح بحور المثايل
بتقول فارس فوق صهوه جواده
يعرف بوقعه في نهار الشلايل
وانا بفكر واثق من عتاده
وقصيدتي ماجات جال مهايل
فيها جموح الخيل فيها عناده
لكن بروضها بصدق ودلايل
في سيد الموقف وغاية مراده
في حفلة مشاري عريب السلايل
مشاري اللي مايحول شداده
جدانه الوافين طيب وفعايل
يامشاري أجي لك بكيف وإراده
لنك ولد من هو على الجود طايل
أبوك قبل العام ثبت وتاده
من ذا المكان يسوق فينا الجزايل
في لازمي مايعتذر بابتعاده
حاضر بحاضر ماتجيني رسايل
ورد الجمايل بين لجواد عاده
للي يعرفون الوفاء والجمايل
هذه طراة العمر وافضل إشاده
بين القيم ولا دروب الفضايل
ياعيال مبعوث ابشهد شهاده
انكم من اللي ترتكي للثقايل
عون الرفيق إن شح شربه وزاده
هل فزعه وميقاف روس صمايل
ربعي منزحة الخطر والنكاده
ربعي لماشبت بروس الفتايل
وكل بفعله محتمي بلاده
من يوم تاسيس الجدود الأوايل
يارب تحفظ دارانا والقياده
ديرة هل العوجاء السيوف الصقايل
تمت وصلى الله على افضل عباده
اللي على قبره نشد الرحايل
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.