مرحبا بسم المعزب في محله
من هجوسي والخواطر مسفهله
قامت ترحب بضيفان القبيله
مرحبا ياللي لهم قدر نجله
عند ابن مبعوث واخوانه وربعه
ذا محمد لي غدا بالوقت خله
يكرم الضيفان من غالي حلاله
ومن جلس في مجلسه ماهو يمله
شايبه صالح لماجات البريزه
مايسايس بالردى ويعيل دله
كل شور طيب تلقاه شوره
جعله الجنه وقبره روضة له
وكل بيت طيب ماراح طيبه
غير يبقى شامخ يمتد ظله
امدح الوافين والمدح الحقيقي
عند صدق الهرج مايلحقك زله
والله ان لي في حياتي مايكفي
أستمد به التجارب والأدله
والزمان يعلم العاقل دروسه
ويتجاوز ظرفها دقه وجله
فجعل بيت تنزله يابو مشاري
عامر طول اليالي والأهله
تحت رايه سيدي سمعا وطاعه
الملك سلمان راعي المجد كله
ثم ولي العهد دهام السرايا
ذا حفيد معزي سيفه يسله
وجعل جند في الحدود مرابطين
جندنا اللي مايعرفون المذله
جعلهم نصر من المولى مؤزر
ويكتب التاريخ نصره في سجله
حن هل الأمجاد من عهد الصحابه
ياذيول الفرس لا مذهب ومله
للسلام جنود بيرقنا يرفرف
وللحرايب نجعل الميدان مَله
واسمحوا لي مثل ماجات البدايه
كل ضيف ماجهلنا واجب له
نثني الترحيب ياروس القبايل
عد براق المزون المستهله
بسمي ربعي القشانين الدواهي
القصور الشامخات اللي مطله
دون نقص في القبايل كلبيهم
كل بذكره فعول مستقله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.