يا بدر لك عندي مكانه كبيره
وتقدير ماني يابيض الوجه مخفيه
يابن مويعز يا نظيف السريره
مثلك ينومس صاحبه يوم يطريه
حيثك من خيار الوجيه السفيره
صفوة مداغيش الزمان ودواهيه
معدنك يا زبن الامور العسيره
طيّب ولا غير زمانه مباديه
عينك على فعل المراجل بصيره
وفعلٍ يخالف فعلها ما تراعيه
وتحب ذكر اهل السيوف الشطيره
تاريخهم من طيب راسك تحاضيه
دايم تسولف في زحول الجزيره
في كل مجلس مجد الابطال ترويه
تعشق علوم الطيب في كل ديره
والعلم تثبت مصدره قبل تبديه
واللي سواتك يا حميد المسيره
واجب على مثلي يعزه ويغليه
خليل بن هدلان
……………
توجتّني بالنادره يابو نواف
تتويج يا كحيلان ماهوب عادي
والحقتها عصماك يا مسرف اسراف
بالطيب يا سلالة كعام الاعادي
طيبك يابن هدلان يسمع وينشاف
ترثة معالم من معالم بلادي
غلاك ما يحتاج ل اثبات واحلاف
اوضح من البادي على كل بادي
وحنا كذلك نحمل اضعاف الاضعاف
مما تكنّه في صميم الفوادي
فالمرجله قدوه وفالعرف عرّاف
وفالشعر محتّل المكان الريادي
ومواصلً سيرك لتحقيق الاهداف
العالميه يا نزيه المبادي
اشكر جنابك يابن مدرج على القاف
ما خِط في قاموس فيروز ابادي
واسلم ودم يا باعثً مجد الاسلاف
ما سيق في نجد الهدو ل ابن هادي
بدر بن مويعز
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.