يقولون لي في الغيد ترفات يامسعود
واقول الترف ثابت على طبع ملهمتي
تموت العذارى منك ياحبي المقصود
تحييك والله يا اجمل الغيد لا قمتي
هلا بالقمر كله هلا بالعيون السوود
هلا فيك ياللي بالخوافق توسمتي
صغيره جميله اخر النسل والعنقود
لك القلب مدهل لو جلستي ولو نمتي
ولو دون بيتك جيش ضباط والا جنود
فلا ردني عنك ليا من تزهمتي
والى اخلفت ما قلته فلاني حفيد العود
وشومي عن الاشعار واعرفك لا شمتي
بجي لك على دارك ولو قدمه البارود
ليا من سمعتك في حبيبك تحيزمتي
كأن الولي جلك عن العيب والمنقود
عظيمه قدر حتى ولو ما تعاظمتي
كريمه على المحتاج والبايس المضهود
عسا ما تجيها النار يداً بها اكرمتي
كلامك مثل بلسم يبرد لهيب كبود
ونظرات عينك تفضح السر والكمتي
اشم النفس عطراً من العود والكمبود
لفاني روايح عود يوم ان تكلمتي
وحضورك مثل غيمً يهل المطر ويزود
تفاهق جميع الغيد لا من تقدمتي
هذا زينك اللي من يذمه غدى مقرود
و لاعاد ينفع معه صبري ولا صمتي
اببذل قصار الجهد واواصل المجهود
على زينك اللي فيه وحدك تزعمتي
علي الطلاق انك جميله مابين الخود
فرقتي عن الترفات بالزبن واجرمتي
ليا قيل مثلك بين كل النسا موجود
ظهرتي وبينتي حلاك وتبسمتي
جمالك نطق منه صغير العمر مولود
بأن وجهك المزيون ما يقبل الشمتي
ولو جات لك بنتً تشيل الحلا والزود
تقولين هذي يا ابن الاجواد خادمتي
وغرامك تسلل ثومه القلب دون قيود
وانا شاهدً انك في المعاليق خيمتي
دخلتي وسط قلبي كما طلقه العبرود
رغم انفهم في وسط قلبي تلايمتي
دخلتي وسط قلبي بهيبه كما النمرود
ولاحد يهمك في الغنادير لا همتي
يروحون لك فدوه جميع البني ياجود
ويبون الرضا منك ليا من تخاصمتي
حلالاه في ضمك وسط مرتعً مفقود
من الناس إنا وياك حايم ليا حمتي
تقافى البني خلفك ورى ضلك الممدود
تغانمت في ضمك وانتي تغانمتي
ابدعي اله الكون رب البشر معبود
ابدعيه يجعلّي على الحضن خاتمتي
الشاعر مسعود القحطاني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.