امي بداخل مهجتي منزالها
تقديرها مع حبها واجلالها
يالله تحفظهالنا ياربنا
ويزيد عندك يالولي منزالها
ياكم عانت والحمال فبطنها
تسعة شهور مثقلة باحمالها
وياكثرماشافت من هموم وتعب
تسهر على راحة جميع عيالها
تتعب اذا شافت حدانا منزعج
تهتم من همه وتشغل بالها
واذا تعرض واحد منا مرض
لراحة تسهر وتنسى حالها
واذا تأخر واحد عن حزته
ماتهتني في ليلها عزالها
ياماتحرتنا على حد العتب
في كل ليلة واقفة بجلالها
متواكلة وتناظر لباب الحديد
وتراقبة باقفايها واقبالها
لونتاخر ماتمل الانتظار
الليل كله تسهره بالحالها
ياكم نبهذلها ونرفع ضغطها
من عفرتتنا كاثرن غربالها
مير آه ياكبر الحنان بصدرها
كثر الشقاوة مننا تحلالها
وان كانها ضاقت تحلت بالصبر
ذيك امنا الي وافيات خصالها
في عمرها ماقصرت مع والدي
وتقدره باقوالها وافعالها
وهي بعد ماقصرت في بيتنا
في كل يوم قايمة باعمالها
هي قمة الرحمة وعنوان العطا
هي مصدر الطيبة وهي تمثالها
ماقصرت ماقصرت والي مضى
من فعلها ياخوك طيب فالها
والباقي الباقي نرد الها الجزا
حق علينا برها واوصالها
واليا رضت يرضى علينا ربنا
هني منه بالرضا يسعى لها
امك وامك ثم امك يالفهيم
واعرف ترا الفردوس تحت ظلالها
والخاتمة صلوا على سيد البشر
عد الطيور وعد حب رمالها
خالد
1429/4/14هجري
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.