يابو فيصل البارح دهمني شعور وخفت
شعور أرهق افكاري وحبري وقرطاسي
وانا ياكثر ما صاب قلبي وياما شفت
ولكن شعور البارح أفقدني إحساسي
على كثر ما صالحت ببن البشر وانصف
على كثر ما عانيت من ربعي وناسي
بغيت اكشف الموضوع لكني اتوقفت
على أيش اكشف الموضوع والوضع منحاسي
على عادتي لا جبت طاري ولا سولفت
تمر السوالف بين ناسي ومتناسي
يقولون لي كثّرت نظم الشعر وأسرفت
وهم ما دروا باللي من الشعر في رأسي
لو اظهرت كل اللي خفي من علوم ألحفت
على أهل الشعر حتى يدنّوّن الأجراسي
أحمد الأعفر
::::::::::
( مجاراة )
سلامات يا اغلى صوت بين الحنايا طفت
مع الفجر الاول جيت وايقضت هوجاسي
ياراعي جبين ونية او قلب مثل البفت
يابنك الذهب واللول ياخزنةً الماسي
ياشيخاً تقف لك هامة المجد اذا وقّفت
مابين ابن ثابت والامام ابن عباسي
تراقص لك اقلوب الرجاجيل اذا شرّفت
علئ منبراً مايشتكي قل وافلاسي
وانا عارفك يالداهية كلما استظرفت
تجيني بكلمة غامضة بين الاقواسي
وانا خابرك يوم العرب ترتجف ما ارجفت
تداوي جروح وتجبر اقلوب وتواسي
وانا قبل اشوف اللي بكاها كثّيِر عفت
وطلقت ما اكل من مخاليب قرناسي
أحمد الذبياني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.