لصار تدري كل مافيك لي زان
وشلون تسال كان انا منك هاوي
حبك بقلبي واضحاً دون كتمان
قلبي لحبك دايم الدوم طاوي
انت حياتي ثم للروح سلوان
شقيق روحي بالعلن والنجاوي
وانت ربيع النفس وصمام الامان
من عقب ماني بالوصايف خلاوي
حيثك لحن ياعازفه قلب ولهان
من بد جنسك خير منهو اخاوي
وانت جمال الكون مع كل الالوان
وانت اطيافه وانا للطيف غاوي
قبلك حياتي ضايعه دون عنوان
حسيت ماباقي لها من بقاوي
طبيب قلبي من مسح كل الاحزان
ولملم جروحاً من سهم كان كاوي
ياحبنا مبدا ولا باغي اعلان
اكيد واقع ماهو قول وحكاوي
والحب بسمه دايمه كل الاحيان
بسمه وراها كل حب وغلاوي
واذا صدق بين المحبين له شان
تعبير ورداً وانطق بيه راوي
والحب يصنع روح وحده بجسمان
يوم المشاعر تجتمع بالتساوي
والحب همسه والصخر لاجلها لان
ذاب الصخر واصبح كما الشمع ذاوي
بشر بليا روح ماعاد بانسان
وروحاً بليا حب كبرى البلاوي
والحب اكثر ماتكلم به انسان
حيثه حقيقه دون شك وغشاوي
عواد الهران
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.