قضينا العمر في رحلة العالم المجهول
وشرينا وبعنا وكل شي عثينا به
واخرها رجعنا من عنا وقتنا المهبول
ولاندري ايش اللي ربحنا وخسرنا به
وعايشنا زمان البؤس الحول تلو الحول
وصبرنا على صكات بقعا مع اقطابه
ولفانا زمان العولمه بالعطا المحفول
ونسينا زمان مر ماكن خلقنا به
بتنواع في كل المعايش من المعسول
ونسينا هذاك الوقت اللي شقينا به
ولا همنا ربح ولا همنا محصول
ماغير انتفاكر كيف ذا الوقت نسعى به
لنا راي لارحنا ولنا راي في القبول
ولنا راي لامسينا ولنا راي نصحى به
نشوف الصحيح اخطاء ونشوف الخطا مقبول
ولا شي يرضينا على الناس واللابه
نرى العالم اللي حولنا عايش بذهول
حروب ودمار وبينهم نار شبَابه
وحن لو نجوب الارض بعرضها والطول
لقينا ان حن في حياة بها طلابه
بها طلابة من قوم ماهم رفاقه موول
تبي روسنا وديارنا ترجع حرابه
وخراب المدن وتشرد الناس ياللهول
حياةٍ شقيه والقهر عيشة انهابه
ولونحمد الله ونتَعض كان هو المعقول
ولاكن قلوبنا قفلت كنها الطابه
كفانا تفاخر واحمدو ربكم بالقول
وزيدو عليه من العبادات نهنابه
نهتنى بأمن والخير ياتي مع القبول
مع حمد ربي والشكر انتحلابه
ننام ونقوم وحن بخير ماخفنا زول
عسى الله يديم الامن ويثبت اطنابه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.