عزي لمن مثلي حياته كسافه
وعزي لمن مثلي تبلش بالاقراب
ومن وسط دار الحي مغزاه شافه
وشاف العادوه وسط بيته بلاسباب
ولو صد عن بعض المشاكل خلافه
ومن دونها قفل على الناس الابواب
مافاد صده والحيا وانصرافه
يفتل عليه من الصغر الحي الاشناب
من الجفا قام يتزايد جفافه
وبالهم والاحزان ولبهذله شاب
وقضى العمر ضيقه وهمه لحافه
ولافيه يومن ماهرجوا فيه الاذناب
ولوهو تعفف ماتفيد العفافه
ولاذكر فيه الطيب لو بالفعل طاب
قامت على راسه تحوف الزرافه
وينغق وراها بوم وتبوع وغراب
ورجع لما طافه جبر عقب طافه
ماجنبه عن ماكره بعد وغياب
والاحتما دونه بابعد المسافه
لحقه لهب نارن لها العفن شباب
ونفوس وصخه ماتعرف النظافه
اخطر من الحيه على النفس والداب
انفوس فيها لشرور انعطافه
ماتذوب لون الحجر بالصهر ذاب
وانفوس مافيها من الله مخافه
ماحسبت لله ولا ذنب وحساب
فيها من ابليس الرجيم انحرافه
ولطماعها تغدر بغالين واصحاب
كم من نصيحن ظلمها غدر لافه
ومنها تلقى هم نفسه والانشاب
ومنها القهر والغبن والظيم حافه
وان هان منها بين ربعه والاجناب
ومن رافق الانذال كب الظيافه
ومشى بدرب العيب بالرجل ماهاب
وفعل المراجل صده دونه وعافه
ومايعيش مع نصاب يغير نصاب
ويشر ويبع ابسمعته من اهرافه
وعن الطمع مايرده العيب لو عاب
ويصير في نفسه وعقله خفافه
ولدمه والحمه للاموال جلاب
لو من ورا بيعه الحيه صخافه
بالهرج ماهمه مودي وجياب
وليا حصلت له فرصت(ن)ولتفافه
على حقوق الناس بالسرع نهاب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.