ابشرك ما عاد لك بالحشى شوق
ولا عاد لك ذِكرى تشارك حياتي
ولا عاد لك بصمة على كل معلوق
مدام انا مالي بحشاكم مباتي
يا مزاحم (ن) دمي بشريان وعروق
شفني نزفتك كره مع تضحياتي
اقولها صادق على كل منطوق
قلبي لفظ حبك ولملم شتاتي
شفت الدموع اللي تزاحم بهالموق
ان قاله الله ان تسوي سواتي
طعنتني بالقلب والقلب محروق
شبيت نار الكره باقصى حشاتي
وتركتني ما بين نكران وعقوق
وابكيتني دم (ن) وهذي جزاتي
الحظ مابه رحم ولا انجبك معشوق
ما جاد بك وقتي خليل(ن) لذاتي
كيف اتشره وانت خاين ومحقوق
وهذي جروحي منك صارت سماتي
لا تحسبن الوقت يصفى لمخلوق
لو به صفا ما كان زود شقاتي
ربي يجيب الحق والحق له طوق
يطوق ارقاب(ن) على الظلم جاتي
مير احذر امن الوقت لجاء به بروق
بدعي عليك من الوجع للمماتي
بدعي عليك بكل لحن (ن) وطاروق
لك دعوة(ن) بالقلب جت في وصاتي
خبيتها بصدر(ن) من افعالك يضوق
وارسلتها مع دمعتي في صلاتي
تعرف سهام الليل لا ما لها عوق
تسري بصمت لربها في ثباتي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.