طال السكوت وحان وقت التفاسير
بقولها .. لو العواقب وخيمه
السعيّ .. لاعجاب البنيّ الغنادير
ماهو طموح .. أهل العقول السليمه
شاعر ادب مانيب بشاعر تصاوير
في وقت قل بْه الأدب والحشيمه
طموحي متعدى .. اماني شكسبير
رجلٍ جعل للشعر بالغرب .. قيمه
جرير وضح ان للشعر .. تاثير
انهى نسب قوم .. بقصيده يتيمه
ياصاحبي مشعل .. عليك التدابير
وانا عليّ .. رسم الحروف العظيمه
ماضاق صدري من زحام الشواعير
تجمع على ابداعي .. عقولٍ حكيمه
لو حاربوني شلّة .. عوير وزوير
بموت قبل اني اذوق الهزيمه
انا القديم اللي .. تميّز عن الغير
وانا الجديد اللي تعدى .. قديمه
والشاعر اللي .. مايقود الطوابير
سجّل على دفتر حضوره .. ظليمه
والشارب اللي ينشرى .. بالدنانير
لا واخساره فيه .. ذبح التميمه
حشمة جسد .. لكن عرايا تفاكير
تفشت اطباع الحسد ، والنميمه
ابكي على وقتٍ .. يذل المناعير
شيّخ على ارجاله يامشعل .. حريمه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.