حفاوة غيابك. لـ حسن الوافي

حفاوة غيابك - حسن الوافي

عادي ادوّر من : غيابك ؟ على : اسبابك
و أدق : بابك و اجي من دون تعزمني !

فيني : غلا ، لا دعى : داعيه لأعتابك ؟
كل : المحاني ؟ تلبّي له … و ترغمني

لفتة " مروّه " و خاف الله ؟ فأحبابك
تعبت اقزّر عليك : الحال و افحِمني !

كم لي و انا اقفي كسير بْ نظرة اغرابك
و اتثاقل خْطاي ، و ادعي بس تزهمني !

لك الله اهون علي لو قلت وش جابك ؟
اقلّها : اعرف خلاصي منك ، و احشمني

مدري وش اقول لأتعابي على حسابك
و الواضح اني ؟ اببطي لين : تفهمني !

لكن من الأفضل .. ؟ ألجمني عن عتابك
دام العتب ؟ في شعور الميْت : يوثمني

شكراً جزيلاً على ؟ " حفاوة غيابك "
جمّلك مني ، و كفّى عنك ، و اكرمني

لله : درّه ، و جاد الله على : بابك
اللي كثر : ما أدقه … ؟ ما يخاصمني !!

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.