سلام يالشعار من دون تحديد
ردة وفا للراس فنجال دله
ثم اسمعو يالربع وجهة نظر عيد
ايجاز فهم الشعر دقه وجله
الشعر في عرفي كما شرد الصيد
والشاعر القناص والرازق الله
وكلا ليامنه مشى وده الفيد
والناس بالجزله طمعها جبله
رامي يركز بالهدف حيل ويصيد
ورامي غشيم ويمكن ايصيد زله
وترى الحكيم يوكد العلم تاكيد
يصخر المعنى لنا في محله
واللي يعيد بعارض الهرج ويزيد
حطاب ليل وكل عود يشله
مجاراتي له :
سلّمت والتسليم سلّم الاجاويد
والواجب الترحيب منا نجله
يا مرحبا ترحيبةٍ تقطع البيد
تبدي على الضلع الطويل وتطله
يشعل سناها عتمت الليل وتقيد
لا شافها الطرقي وصل حاجةٍ له
ياالوابصي يا معزب الشعر يا (عيد)
ان كان للشعار والشعر حله
ينصونها شيابنا والاواليد
لهل الادب مدهال من كل مله
بالرغم به شعار تتقنه وتجيد
واشعارهم عبر الهوى والمجله
يا مدرسة شعر امتجدد بك انشيد
يا ابوكرم يا مدرسه مستقله
يا عد راهي لو تغض المواريد
من ياردك ضامي صدر عقب عله
فرايدك متعلقاتٍ على الغيد
بنحورهن يضفن على البيض طله
تُنظم وتفخر فيه مفهوقة الجيد
عُقد عليه الراس الاشقر تهله
وجهت نظرك ترجع مخالف السيد
ترشده للدرب الصحيح وتدله
ولمصلحة شاعر يبى شعره يزيد
ويعرف عدا الرجم والا بتله
للفايده ما من وراها مقاصيد
سوى يطور شعره ويستغله
بكل موقف لا وقف قالو مجيد
بصمته تبقى للابد بصمةِ له
لان الشعر في ذا الزمن صار تاييد
على المزاج بصوت والا بشله
يا عيد وضحت الهدف دون تعقيد
راس الجبل رامي ورامي بظله
والراي يالاجماع ما عاقل يحيد
عنه وصحيح الهرج ما احدٍ يزله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.