لي ذكريات بباب مكة قديمة
علوي وقابل كلها كنت أجيها
عمري ثمان سنين يمكن تميمة
ويمكن أقل ويمكن اللي يليها
كنت أتمشّى فيها بأقل قيمة
ريال يكفيني إذا مشتهيها
أركب أنيسة بلا كراسي سليمة
أوقف وأطوّل واقفٍ محتريها
بأربع قروش وتندفع بالشتيمة
ما يوصّلوني النقطة اللي أبيها
وأفطر بفولٍ مع تميسة طعيمة
بأربع قروش وسمن برّي عليها
وأشرب وراها كوكا كولا الزعيمة
بأربع قروش وباردة أشتريها
والماء من زير الخزف تحت نيمة
تبرّعت به سيّدة عن أبيها
ونزور حسنون مكتبتنا الكريمة
متسوّقيها أقل من زائريها
ولو نبغى صورة شرط ماهي دميمة
أستوديو الشعب وبعد جمعة نجيها
معلق الجاكيت والغترة خيمة
والمزهرية إن كان تبغى وجيها
ما عندنا بندة ولا سوق ديمة
ولا نعرف المولات ومعاكسيها
حتى الحريم يا جعلهن للحريمة
كانوا قليل اللي يتسوقن فيها
وأرجع لبيتي والمكاسب عظيمة
ويبقى معي أربع قروش أحتميها
وأختم بكلمة موجهة أو كليمة
عناية أمانة جدة ومهندسيها
جدة القديمة إلا جدة القديمة
جنان التطوّر مشوّه لوجنتيها
يكفي التطور لكل الأنحاء سيمة
تكفون لا يلحق قدمها يديها
تاريخها لو ضاع أكبر جريمة
في حق أهل جدة وحق عاشقيها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.