ينعى الكويت اليوم جابر و ينعيه
شعب الخليج ف أرض شبه الجزيره
وبكل لوعه قصر دسمان يبكيه
راح الذي عطر جداره عبيره
راح الذي بالجود محدن يباريه
وصلت عطايا مدته كل ديره
وين الحروف الي تزهل وترثيه
وين القلوب الهاديات السريره
الحرف يبغى حرف ثاني يعزيه
وضلوع قلبي ولعت من هجيره
مامات ياموت الذي طاب طاريه
الذكر طيب والشواهد كثيره
شيخ الشيوخ الطيب كاسي مواريه
الزاهد بإيمان يملى ضميره
ابو اليتامى خير يارب تجزيه
عن مافعل لجل اليتامى الفقيره
حقق طموح الشعب وبكل مافيه
يسر صعوباتٍ عليهم عسيره
كم قادته للطيب همّة خطاويه
كم جبّر بعطفه نفوسٍ كسيره
حلمه عظيم وطاهراتٍ اياديه
كم مدها بالخير طول المسيره
وقف بوجه الغزو واحبط مباغيه
رد العدو خسران يندب مصيره
رد القنابل للعدو في مرابيه
حتى احترق راع المنافخ بكيره
يوم الغزو دمر وهدم مبانيه
اعاد اعماره في مده قصيره
قاد الكويت لمجد محدن يضاهيه
ماله شبيه ولا لقينا نظيره
من بعد ماحقق لشعبه امانيه
نامت عيونه في لحدها قريره
يالله عسى قبره من المزن تسقيه
وتحشره مع اهل الوجيه السفيره
كل القلوب اليوم تبكي وتنعيه
كم قلب يبكي اليوم فرقى أميره
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.