طلبناك يالله بعد ما بان نجم سهيل
ولا تردنا يا عالم الغيب والنيه
عبادك وتطلب رحمتك ياقوي الحيل
تطلّب عسى تاتي تباشير وسميه
تشابك مزون الغيث وتحن ثم اتهيل
حقوقٍ يجيها كل صبحٍ وعصريه
وتتالى بفضل اللي كريمٍ ماهو ببخيل
إلى من ومرها تمطر وعز واليه
وتباشر به اعباده ومنها الهموم اتزيل
لامن الحيا قامت تطارد خباريه
وبعدها نشوف القاع مخضرةٍ بالحيل
غدا عشبها متشابكٍ كنه زوليه
وفيها الخزامى والنفل خنته بالليل
تقدا بها الي ساري الليل ومتيه
وتعالم به اهل البل هل الجيش وأهل الخيل
ولو هو بعيد اتجيه لو كان رجليه
على شان شف ابلٍ غلاها غلا العويل
ويمكن غلاها ايصير ستين بالميه
ولا جا النذير توقف بوجه من بيعيل
ولا تنكسر من دونها ساعة الهيه
غدا حبها ورثٍ يورثه جيل لجيل
معا ان الدهر يحدا على البيع جبريه
غلى الاطعمه عزر بنا والزمان امحيل
وتجارنا من دون رحمه وماويه
تخزن الطعام اولا غلي زودة بالكيل
بكيل الدراهم والوزن ينقص اشويه
ولا جات التريله فالسرا طول خط الريل
ومن باوله لا لاد ماشاف تاليه
يعانون يا بالفيت بالحط ويا الشيل
وشراهم برخص وبيعهم بالخياليه
وحن ما خفانا ما يسوون بالتمثيل
ونعرف الطمع ذا عادةٍ للشريطيه
وإلى ما لقوا للوضع ذا رادع وتعديل
فيا عزتي لهل الإبل والشواويه
يا حكامنا تكفون يا عادلين الميل
كوانا الدهر والتاجر ينجح الكيه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.