سهيل قرب مابقا غير يومين
وين انت يلي باالخلي لك مشاوير
ننهج جنوب يمه اسهيل ويمين
نطلع مع عرق وننزل محادير
نبغي لنا مشوارصوب الفراقين
يقال في نبت الزريقا نواوير
جهزت لي عزبه وضبطها زين
من السنيدي ماخذين سحاحير
الأوله مليانة بالمواعين
للطبخ ضاغط وللشوي فيه قصدير
والثانيه دله وغوري وبيزين
وبريه تجلي عماس المناعير
وقت المضحى نرتفع بين عرقين
في فلخ عرق ماتجيه الأعاصير
اول نهاره ما تطير الرياحين
هبابها ياتي من العصر وعصير
مخدتك رمل تلفه بكفين
وتنساء الحذايا كل ماجيت باتسير
ومعك الشقر لامن لاحق يعجب العين
الريش من كبد السماء له دعاثير
(و البدوي وراعي الطير يشتاق للبر والمقناص مع طلوع سهيل
فقد اصاب شي بالنفس ورديت عليه اقول ):-
ارحب ومرحب يامندب عناوين
عشرة ابيات مسكته بالتعابير
نضمن ندور له وقاف وبراهين
ومعنى بيوت يخلي قلوبنا تطير
مضمونها المنهاج لبدو مقيمين
في قافر وبله حقوق وشخاتير
ايلين نبته يوم عدا السبوعين
يغري عقول المطوفه والمداوير
وان كان ابو سالم صمل لايخلين
انا الخوي اللي يحمل المخاسير
تسيور مع قنصه وخوة هل الدين
نامن بهم في العاقبه والمعابير
ان شيتني سواق حطاب وأعين
وان شيتني راعي معاميل باصير
وان شيتني صقار فيساري يمين
لن رغبتي في خوتك شكلها غير
ومقناصنا قفر بحرار وشواهين
عوق الخريش اللي على البعد بتنير
ومفراعنا من عقب ذا يسار ويمين
نوب حدور ونوب صوب الجباعير
ايلين نقطع قافر القاع شهرين
نعيشها في خير ونعود في خير
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.