يا شيخ تكفى ،،،

لـ محمد آل وافي، 10/01/15 11:27:49 PM، في غير مُحدد

يا شيخ تكفى ،،، - محمد آل وافي

يا شيخ تكفى كان للفرقا علاج
... تعال وأقراء ما تيسر و إتكل

ما طقت انام واخاف من ظل السراج
... لان الظلام اشبه بصورة ما حصل

عندي صداع إجتث احساسي وهاج
... عندي ارق ما خذ معه ذكرى الامل

اسمع صدى مثل البحر لا ماه ماج
... واحس جسمي يحترك وسطه نمل

صدري ثقيل تقول مطعونٍ (ن) بعاج
... لا جيت اسولف زاد من ضيمه ثقل

يا شيخ قالوا من ترك دونه عجاج
... يبل ريقة ويتفيا له بظل

وانا ترى ما لي بفيتك احتياج
... لأن القدر اجبر فؤادي يشتعل

هذا وانا وقفت لك حد السياج
... ما عاد كملت لك خايف تمل

والا تري عندي من الشكوى فجاج
... تهز اركان التواضع والجمل

لكن خذيت اللي مسبب إختلاج
.. ان هو برا شفت البقية في مهل

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.