حبكــة الشــاعــر ،،،

لـ محمد آل وافي، 22/10/14 05:55:44 PM، في غير مُحدد

حبكــة الشــاعــر ،،، - محمد آل وافي

حبكة الشاعر و تطويع القوافي
... و اتزان الصدر في مطلع قصيده

وإختيار البحر والنهج الخرافي
... تذكرة افراج عن فكرة جديده

فضفضة انسان بأسلوب إحترافي
... دونه الدنيا وماضيه بيعيده

يا وجودي كيف و المكتوب خافي
... والنوايا غيم والنظرة بعيده

جيتكم كلي شرود و جيت حافي
... فكري الخاوي ذبح شوق العنيده

يعرفوني ل أقبلت هزيت قافي
... وان تباطيت الوصال اكتب قصيده

من تعلمت الكتابه صرت وافي
... للحروف اللي بها جرحي تقيده

الحكايه بعثرة ما كان صافي
... والرواية في المهد تشبه فقيده

اختلط فيني سكوتي واعترافي
... ويل حالي والزمن دونه يزيده

نبرة الخاطر مع حس الخوافي
... وآخر طيوف الوله واطراف إيده

لملمة عجز السنين وقلت كافي
... وضيعت معنى تفاصيلي السعيده

البقايا في وجودي و إعتكافي
... دمعة الجاهل على شكوا فريده

بح صوته والبكا ماكان شافي
... و الوجع ضيق من الغبنه وريده

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.