درس الخيانة. لـ ماجد بن داحش

درس الخيانة - ماجد بن داحش

وآ غبنت المغبون وآشيب من شاب
اصحابي الغالين عنّي تغانو

يا للأسف ذاك الرجا اللي بهم خاب
تعلّموا درس الخيانه وخانو

اصحاب لا ما قدّروا كلمة اصحاب
في عزّ ازماتي تردّوا وشانو

ما اخبر بهم شيّن يدنّي وينعاب
الاّ انهم في قدر الاصحاب هانو

كانت مساكنهم غياهيب الأهداب
وكانوا يحبّوني وكانو .. وكانو

حتى ظهر للكبر نابن ومخلاب
وعلى حقيقتهم تبدّوا و بانو

يوم انّها زانت لهم والقدر طاب
غرّتهم الدنيا وفيني استهانو

ويوم انها كانت متاهات وانشاب
عن فزعتي وقت الطلب ما توانو

وانا بساعة ضيقتي صكّوا الباب
ووقت السعّه ردّوا وحولي تدانو

يا لعنبوها صحبتن ترخي اشناب
ان كان ما هم للعلاقات صانو

ضاقت بي الدنيا على راس مرقاب
يا عزّتي للي سواتي يعانو

يا ليت مابه لا علاقات واحباب
ومابه احبّا بالمحبّه تفانو

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.