أذكريني ياحياتي ون نسيتي المعذره
مانسيتي غير قلب يذكرك في كل ليلة
والله أني مانسيتك ليل عيني تسهره
والله أني ماسليتك ليل ياويلي ويله
أذكري أني أحبك والمحبه مقدره
وأذكري أن عيني من نظر عينك قتيله
أذكري أني زمان جاه حظ وبعثره
في حياتك ياحياتي من بعد غيبه طويله
أه ياحب جمعني لعب جد ومسخره
أه ياوقت ذبحني في وسط قلبي غليله
أه ياحب ذبحني والله أني مانكره
لو على قلبي تجنت بالهوى بنت بخيله
صعب حبك بعد هذا الحب كله وأخسره
صعب أنه ياحياتي تسكن بقلبي بديله
أجبر بخاطر حبيبك خاطري لاتكسره
أترك الصوره بعيني مثل ماكانت جميله
في عيونك لا حبيبي الغدر لا ماأخبره
لا والا حتى خبرتك تاخذ الدنيا بحيله
أه لو حبك بحر أو بعد شط أعبره
لا يهمك ياحياتي ون غرقت الحب أشيله
شاقني زولك حبيبي كل يوم أتصوره
شاقني حتىجمالك صعب أني أستخيله
كل زين بك حبيبي الله اللي صوره
بسمتك نظرةأعيونك والمنايا المستحيله
شاقني بيتكم والبلاط ومنظره
شاقني حتى هواكم يبري الروح العليله
كل شي بغرفتك والله أني أذكره
أذكر الباب الحزين والمكان اللي أجيله
أذكر أكتاب الشعر والغلاف ودفتره
وأذكر أنةمن عيوني دمع عيني سال سيله
كل شي بك أحسه ياحبيبي واشعره
الحزن اللي بعيونك والعذاب اللي تشيله
ماذكرت أني بحبك شي والله ماذكره
ماذكرت أني نسيتك ساعة والله بليله
الحياه بدون حبك ياحبيبي مقبره
وأشهد أني بالهوى ميت مافيه حيله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.