الخافق اللي كفخ ماشيّم ضلوعي
من حل طاريك قام يقطّع سبوقه
ناوي هدادٍ يقص العرق ويروعي
متفرعنن به شعورٍ تل معلوقه
حوّل بصدر من الهجران مفجوعي
يضرب بمخلاب شوقٍ مرهي فتوقه
جوعان وصلك وانا باموت لك جوعي
والشوق عزي لمن هو مسهرٍ موقه
افهق طواريك لككن ماهي بطوعي
مثل المطر ماش شيء يقدر يعوقه
اروح وانوي صدود مابه رجوعي
ويلوي ذراع العزوم (النبض وعروقه)
واعوّد احتال بين العند وخضوعي
واغضي بعينٍ تخاف الموت وتسوقه
واكتب قصيدٍ يشابه حزة طلوعي
لولا ( عيونك )( معايه شحت طروقه)
اهيجن الضيق لامن هلت دموعي
وادوزن آهات صدري لاطغى شوقه
اسهرك متمركيه نومي على كوعي
ورعاد طاريك عيت تفصل بروقه
ادعي طيوفك عساها توقد شموعي
في ليلة من جنون الشوق مخلوقه
انا دخيلك لو ان القلب موجوعي
ومتسلطن به وجودك تحته وفوقه
مادام قلبي كفخ ماشيم ضلوعي
شيّم غرام عجزت توفّي حقوقه!!
الخافق اللي كفخ بالشوق مسموعي
كنه بصدري وهو بصدر مخلوقه
من حرفها هيضت ماهاض وينوعي
يرزم رزيمٍ يهول الوصف ويفوقه
من صدر يخفي عظيم الشوق ويزوعي
والروح بالحيل تتوجد وملهوقه
عليك يامن غديت الكون وربوعي
ماغيرك اللي غرامه لاقي لي ذوقه
واصبح بيومٍ وليله في مزروعي
تروي حروفه وطيفه شمس وشروقه
ياحي من لاطرالي قلت مشروعي
افتي لعشقي حلال ان حل معشوقه
بالشرع والسنه ولاشي ممنوعي
ولاغير وضح النقا من فوقنا طوقه
اصلا الوفا حق من بالحق مبطوعي
عالقلب والنبض ينبض عشق ويتوقه
اي والله احبها وان مت مصروعي
هي ابلغ اسباب موت القلب وفروقه
ماتدري اني ولو بالصمت مشلوعي
ماغيرها تشغل التفكير وتروقه
اموت موتٍ يلوع الروح بي لوعي
لو كان ضمة حضن في ليل مسروقه
منها تعيد المعاني فرح منزوعي
من عمر كل السعاده منه مزهوقه
هي ابلغ طموح بالاوصاف والنوعي
ولاغيرها قد تمنى القلب مخلوقه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.