الله الله ياهجوسٍن لاحداها الحادي
ماشكت ضيم الزمان إلا على خالقها
والله الله يالسيوف المرهفات حدادي
والله الله ياكلام الناس خذها ذقها
والله الله من يصفي موجتك يالرادي
والله الله من كذب له كذبةٍ صدقها
ماامتطيت الا جوادي والشدادشدادي
ولاشهرت السيف للي ماحدى عاتقها
ولاتعزوى الا بفعلٍ من فعول أجدادي
وكلمةٍ ماهي على ميزانها ماانطقها
ولاشعمت إلا لهيبٍ قادحه بزنادي
والعباد اللي تشابه ميزها يفرقها
مارعذري يامناطح عنتر الشدادي
ماانت خافي عن عيون الناس لاتدرقها
ياعسى المنجوم يبقى طول عمره غادي
واليدين اللي تجي وسط اللهب يحرقها
لاتحسب إن الليالي كلبوها أعيادي
يمكن يحطك على سندانها مطرقها
ولاتحسب إن الكلام اللي تقوله عادي
حمسة تدرى حرقها حطها وإفهقها
ولاتقول الوقت شر أقول شرك زادي
الزمان أشرارخلقه شرها يسبقها
للمشاكل من سنا نيرانها الوقادي
للنفوس الطيبه لوما إحرقت تخنقها
ندري إن البيت الاقصى حدريمنى معادي
مار يالله من يمين الطاغيه تعتقها
لوصلاح الدين وإلا طارق ابن زيادي
حي ماشفنا اليهوديه طغى بيرقها
وإلا انا لوقلت أبدرى خطّر الاجوادي
الحلوق اللي تجي بالمشنقه تشنقها
ماتطاول بالخطاء إلا من ضربه إعمادي
وقطع يمنى السارقه تشهد على سارقها
إنتبه للمزنه اللي جالها رعادي
نبت الارض السيل لمنه جرح يصفقها
ولاتوهق بالمحيط الاطلسي والهادي
شرهة القبطان خلّت سفنها تغرقها
والكهارب حملها لازاد بالعدادي
إن طفى وإلاسلوك الكهرباء يحرقها
ودام نور الحق بادي لويطول جهادي
الجدي وسهيل يمنى الحسد ماتلحقها
الحقايق بيّنت ماتضغنه احسادي
شمسها زاحت ظلام الحقد من مشرقها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.