الليله القلب كاثرةٍ حضاياه
في صفّةٍ عن عوجها من يعدلها
يمشون معنا على رفقة مضاهاه
والناس نعرف ضواهرها وداخلها
ومن انتبه واعتدل ندمح خطاياه
مانبحث الناس عن ماضي سراجلها
يامى ويامى شقحناه وبلعناه
نبلع خطايا الرفاقه ونتحمّلها
والطيب منهم اليا منا وجدناه
رفقة هل الطيب مانقدر نبدلها
نشفق على الطيّبه من كل مجهاه
مانحتدي عن سنعها ونتجاهلها
واللي يبا الطيب يسعى له ويلقاه
وعن التوخر خيار الناس اوايلها
مير اكثر الناس رفقتهم مغشواه
قواعد الطيب مخطيتن منازلها
يمشون مشي البعارين المعفاه
بالاكل والما معباتٍ شواكلها
هذاه مغرور والاخر دبنجاه
والناس دايم بأوايلها واسافلها
ومن طال شبره وذرعه ماقصرناه
الناس بحقوقها نوفي مكايلها
ونقفي عن اللي ملقينا مقفاه
يروح من عندنا للي يروح إلها
اليا بان سقم المرض فيه وتغشواه
ولا كل دعواً نقوم إلها يقوم إلها
ماعاد نبغى منه غير المكافاه
نصبر على عامر الدنيا ومايلها
دنياً عليها جربنا شرب الامواه
هاذي توافق والاخرى مانلد إلها
اليا جربنا خبيث الما تركناه
تابس حياض الضمايا مانصب إلها
وصلاة ربي على اللي مانسيناه
سنة نبي الخلايق مانهملها
نبينا اللي على السنه تبعناه
شفيعنا يوم زبر الناس باكملها
ونهار الاجسام قدم الله معرّاه
نرجو عسى مغفرة ربي نحصلها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.