ياربيع القلب يازهره ويابستانه
انت مثل الغيث لامنك نزلت احييته
انت مثل الغيث يحي الديره العطشانه
لا نزلت القلب نورته ليا حليته
صار روض اليا نزلته وازهرت ريضانه
حالف(ن) ماحدن يطبه كان ماطبيته
تنبعث فيه الحياه وينفتح شريانه
يستلذ ليا جرى دم الجسد عافيته
انت من غيرك سواتك رافع(ن) مسكانه
الضلوع العوج سور له وقلبي بيته
اسالك بالله قلبي لاتزيد احزانه
من يداوي جرح قلبي كان ما داويته
الهوى سم(ن) لقلب العاشق وسلطانه
يامر وينهى على العاشق وانا لبيته
كل ماقلت اتجنب واتركه في شانه
مع ظلام الليل سراني وانا سريته
البسه جزل الشعر ويطعيني باوزانه
ياوجودي كل ماطرق الهوى غنيته
وجد من شالوه جبري وافتقد ورعانه
افتقدهم باليدين اللي ماهي باويته
ظلموه وقفلوا من دونه الزنزانه
كل ماقالوا مسوي قال ما سويته
ياهوى قلبي عناه وسئيته واحسانه
الوكاد اني على سلم الهوى حبيته
جل من صور وجمل صورته سبحانه
من قدم رجله جمال ولطف لاغاذيته
ياعذابي يالهدب وخدوده الفتانه
والعسل والسكر اليا ذاب بين اشفيته
قلتلك حب(ن) غرسته ما انمحى يالدانه
غارسه في داخل الاعماق ثم اخفيته
أسألك بالله قلبي لاتزيد احزانه
من يداوي جرح قلبي كان ماداويته
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.