مدخل // بقلمي
*****
يرضيك نبقى كذا بالله.. واحنا احباب
ومالنا عذر في هذا الجفا أو ظرف
وان يوم صدفه تقابلنا كأنّا أغراب
وكل من شاف للثاني ((يغض الطرف))
ونموت الاثنين في ((فرقا بدون اسباب))
ويندفن حبنا بين القلم والحرف .
*****
شبيك لبيك // بقلمي
يفز قلبي كلما حل طاريك
ويهد صدري والضلوع النديه
وتهزني ذكراك لا صرت ناسيك
واشتاق لايامك ولو هي شقيه
محتاج لك واخاف لوجيت اناديك
تصحى مواجع في ضميرك خفيه
حتى بيوم العيد مقدرت اهنيك
الناس فرحانه وانا ف الأسيه
كم جيت لك عاني.. وروّحت اعانيك
وتصدني في كل روحه وجيّه
واحلف يمين الله ما اجيك.. واجيك
وانته ولاحسيت بالشوق فيّه
تعال انا محتاج اشوفك والاقيك
واحس بك ان العمر له بقيه
رغم الجفا والصد ((شبيك لبيك))
آمر على روحي وخذني هديه
ببقى حياتي كلها رهن ماضيك
والقلب لك صادق وروحي وفيه
وان جا خبر موتي ونوّر لياليك
تبقى معي ذكراك ف القبر حيه
يا شينها.. امشي دروبك واحييك
وتمر جنبي .. ما ترد التحيه
*****
مخرج // بقلمي
الى متى بس ناوي لي تعذبني
وكلما اجمع بقايانا .. تفرّقها
المشكله كلما احلف لك تكذبني
وكلما تكذب الكذبه ((تصدّقها))!!
****
بقلمي // زياد السنباني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.