سجيت رجلي بالمهمات الصعيبه في جهل
وعرفت بان اهل القدا ما تمشي بدرب النقيد
على مهل ياللي يميلك الهوى على مهل
مال العنيد ان مالة كفوف الحقوق الا عنيد
ان كان ودك بالصعب ما اجيك بالدرب السهل
زد قالها راع المثل مال الحديد الا حديد
لكن رجلك يابو زيد القرم لا تاطا الوحل
وانته تريد وربك العالم ويفعل ما يريد
وش عاد اسد العين به لو ما تغمض بالكحل
دامك ترشّد والعقد ماحلها غير الرشيد
ماكل وادي لو دهل به من دهل به يندهل
وترى البلا والشر ما وفر هل النيل الصعيد
وطبع الليالي تحمل اقدار الصغيّر والكهل
واللي على عمره يبا يزداد ما يقدر يزيد
وترى المزاعم ما سلم مما وراها ابو جهل
مافكه من النار لا الزعمه ولا الباس الشديد
افنى حياته في ظلاله يعبد اللات وهبل
لا فايده مثل ابن ابي طالب ولاهو مستفيد
ان كنت سيل من جبل قابلت حيد من جبل
والضلع يرسي بالعروق وكل عرق وفيه حيد
والعود ياحلمه على كل الجماعه والاهل
والحلم في ساق الاصيل الي يشيل الحمل قيد
نهلت من عده زلال وفيه مثلي من نهل
ومن عادتي شوحي بعيد ولا حذفت احذف بعيد
وكان الغنا بالمال زاد الناس والطامع ذهل
لحق الشقا حتى النبي وابليس في الدنيا سعيد
وبعض البشر مما بها لو روسها تنبت نخل
والله ما يحدى على درب الردى غير العبيد
والهون ما يفرش فراشه غير في دار البخل
ماهو فراش اهل الكرم والموت في حبل الوريد
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.