بيوم الخميس اكبر مصيبه وغربال
الحادثه ماتنسى واقعتها
الحادثه ماتنسى عبر الإجيال
حتى الاطفال الجاهله سجلتها
صار المقدر مابها هرج وجدال
على الشيوخ اللي المعالي رقتها
مهل مع مساعد ذريبين الأفعال
حلالة القالات كان أحضرتها
أبو خشم ياستر من تلبس الشال
ابن الشيوخ اللي العرب قدرتها
ومساعد المعروف يفعل أليا قال
فعايله كل الكتب دونتها
شيخ ٍ اليا صارت حزازات وقتال
له سربة ٍ تعجبك بمبارزتها
من فقدهم تقول بالحال سلال
والعين هلت دمعها ماكمتها
اهل البيوت اللي كبيره ومدهال
تفرح بها نفس ٍ اليا لوذتها
مفتوحةٍ معروفة ٍ كنها الجال
يوم السنين القاسيه ماغلقتها
حتى الرفيعه بالثرى دمعها سال
وايضا جبال صوير تشمت بختها
مرحوم ياللي للصعيبات زمال
ضد المعادي كان شب دخنتها
قعقاع بالتاريخ معروف خيال
شجاعة ٍ والطيب مبطي صفتها
ومساعد بشيتان بانعم رجال
شخصية ٍ كل المراجل حوتها
عسى لهم بالخلد مدخل ومنزال
ابجاه من رحمته ..خلقه رجتها
اعتضت فيهم لابة ٍ كلها ابطال
اللي علوم الغانمه ماتركتها
واعيالهم واخوانهم غاية البال
من زان حضه بالردى ماشمتها
واضيف مع هذاعلى البوك بمثال
مادام صارت والقلم بورقتها
دنياك هذي كل يوم ٍ لها حال
ساعاتها كل الملا جربتها
كل يوم والثاني لها أنواع واشكال
كم عيلة ٍ حلت بها مانذرتها
هذاك نزال ٍ وهذاك رحال
حتى الملوك الحاكمه صادرتها
تمهل ولكن دائما ً مابها أهمال
ربك يدير ايامها مع سنتها
نوبا ً قفى واحيان تجيك بقبال
كل الرجال العاقله مامدحتها
وصلاة ربي عد مايظهر هلال
على رسول الخلق في خاتمتها
شعر : عشيان بن سليمان
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.