ليل الغريب !. لـ عبدالعزيز الرحيل

ليل الغريب ! - عبدالعزيز الرحيل

ابتدأ ليل الحزين المغترب بأقصى بلد :
وابتدأ ليل السكارى المغرمين الثاملين !
 
يمشي بشارع غريب وكن ماحوله أحد :
ينظر ل عالم بجنبه كلّهم ( متمايلين ) !
 
يحمد الله عالعقل ويكمّل الدرب ب جهد :
يبغى ياصل للمكان اللي به احواله تزين !
 
غرفه في مبنى كبير يعيش فيها يافهد :
يجلس ل حاله يعاتب حظ عيّا / لايزين !
 
يذكر امّه والوطن والعائله - واهل البلد :
يجلس يفكّر إلين الحزن في وجهه يبين !
 
ويذكر اللي غاب عنّه وماحفظ ذاك الوعد :
يذكره رغم انه ودّع / وابتعد قبل سنتين !
 
لاطرى له طاري غيابه يصد .. ويبتعد :
تاخذه ذكرى قديمه وتزرع بصدره أنين !
 
لاشعر بالضيق يضحك يظهر انّه في سعد :
بس وربي داخله كومه من اشواق وحزين !
 
قلتها من قبل مرّه وارجع اذكرها / بعد !
مايعذّب شخص فارق غير شوقه والحنين !

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.