ضاقت وساع الفيافي والوعد متن السفينة
للطريق اللي دعاني بعد أمان الله وأمانه
لا تناديني وصوني قلبك الله لا يهينة
لا يراهن في رجوعي لجل مايخصر رهانه
ليه مرحل عن غرامك بعدما ذقت الغبينة
أذكر لي شيء واحد يستحق أقعد عشانه
الهوى الغدار حد الله مابيني وبين
والرجل لاخير فيه إن ماحفظ قدره وصانه
يوم قلبي ماعصاك ولاقدرتي تذبحينة
ليه خنتي فيه وأنتي معه من نفس الديانه
كان ذبحي بيدك أرحملي من اللي تفعلينة
وإن طلبتك تذبحيني ماذبحتيني لعانه
كل جرح من جروحي تذكرينه تنكرينه
كن مالك في نزيفه يد خانت بالأمانه
ينزف الخافق تواضع لين لطختي جبينه
وإلي أنا ماكنت أبيها توصل حد الأهانه
قلت من باب الميانه صاحبك وتعذبينه
لعن أبوك أرخي شوي ماصارت ميانه
طعت عقلك يوم قيل إن العقل بالبنت زينة
لكن الشره علي إن كنت أحسب إنك تكانه
من بعد ماكنتي أنتي في حشاي أغلي سجينه
بوعدك أبطلق صراحك وأتهمني بالأدانه
كيف أبنسي ربي اللي ملهم القلب السكينة
مثل ماعانه بقرك لانوي فرقاك عانه
مزعل لأجلك البندري رجت عقول رزينة
وإن تهادت بالطريق الجرهدي تزهر جنانه
كانت أول من تحكم في فروع الياسمينة
وإن تعدتهن تثنن خيزرانه خيزرانه
بعتها لأجلك وصارت لأصغر طرافك رهينة
وإلي هي لفتت هدبها تغمرك ثقل ورزانه
ماقتنعت أن الخيانه للرجل تلوي يمينه
لين ربي بعثك وذقت طعم الخيانه
أسمحيلي مابقي فيني مكان تطعنينه
وأقبلي من جوف قلبي كل عطفه وأمتنانه
والله الله في عذابك بتركك عينك بعينه
دلليه ولايرده عن شقاك إلي لسانه
وإلي أنا قررت أسافر وأمتطي ظهر السفينه
لأن مابه شيء واحد يستحق أقعد عشانه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.