احتار لمّا في حِسِنْهَا بَوْصُفْ
وابقى اسايل ويش فيها هيّه
والناس تنظرها من أبعد نقطة
واتقول والله بالوصف عاديّه
ما قربوا منها ولا شافوها
لو قربوا قالوا حلا حوريّه
اللي أشوفه غير ماهم شافوا
بخلاقها وأوصافها الشاميّه
أخلاقَها لمّا أعِدْهَا أتعب
لنّه تَعَامُلها حُسِنْ بالنيّه
تِذْكُرْكْ لو ساعَدْتَها بس مرّة
واتْرِدْ جَميلك فُوقْها عِيديّه
كل المكارم والمحاسن فيها
مِن خَيْرَ أبوها وأمّها الأميّه
أوصافَها يازينْ مِنْ أوصُفها
كلها نُعُومَه بالجِسِمْ مطليّه
اللي يميّزها شعرها أسود
ماخِذْ مِن اللونْ الحَمَرْ اشويّه
فيها عُيون(ن) واسْعَه جذّابه
سُودَهْ وِلكِنْ كَنّها كِحليّه
وارموشَها مِثْلْ السَعَفْ لاظلل
مِنْ طُولَها صَاير تَحِتْها فيّه
وخدودْها تِخْجَلْ لَمِسْ رَاعيها
تِشْبَه شَكِلْ المِشْمِشَه السوريّه
وشفاتْها تِبْرِزْ جَمَالْ المَظهر
اللون ورديّه .. عَسَلْ محشيّه
لمّا أناظر وجهها تجذبني
بسمة خجل من فمَّها عفويّه
والمح جمال أسنانها واتخيل
كيف اللؤالؤ في العِقِدْ نوريّه
ولّا جِسِمْهَا.. الهَوا ميّلها
مثل الغُصِنْ لا مالْ في حنيّه
اسلوبها راقي و أنا حيرني
تخفي رحابه بالصدر سحريّه
واللي يحليها بعد .. مِشْيَتها
فيها صِفَاتْ المرأة العصريّه
لو قربوا منها من أقرب نقطة
ما كان قالوا وَصْفَهَا عاديّه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.