بديت بسم الخالق النافع الضار
الواحد الباري بديع التصاوير
سبحانه المعبود علّام الاسرار
محصي عدد حبات رمل الأعاصير
اللي بدينه جنة الخلد و النار
الريح بأمره و القمر بأمره إيسير
الكون له دايم يسبح بالاذكار
حتى النمل غير الشجر و العصافير
اللي تسير بحكمتة كل الاقدار
هو الكبير اللي كفل لقمة الطير
تعالى رب الكون عن حزب بشار
حزبٍ يبيع الدين لجل الدنانير
صديقهم ما بين خاسي ومكار
نفس الوحل مجْمع لكل الخنازير
عيونهم دايم على حرمة الجار
مافيهم اللي يحشم الدين ويغير
بانت فعول اهل الكفر عبر الاخبار
هذي حماه إتصيح وتجاوب الدير
خمسين عام الشعب ساكت ولا ثار
عايش تحت ظلم السيوف البواتير
واليوم جاك الشعب طلّاب للثار
خذها وذقها من كفوف المناعير
يا الخايب الخاسي ترا العز ما بار
عند الرجال اللي ستر للغنادير
ما هيّض الخفّاق من عقب الإفطار
وخلى دموع العين مثل الشخاتير
رسالةٍ منها الرياجيل تنهار
جتني وصار الكون في عيني إصغير
زنديق يعبد راعي الفجر والعار
من كبرها يتصدع طويق و النير
اللي عبد بشار انجس من الفار
يوم الحشر ما ينفعه طاري الغير
الا الهٍ في يده كل الاعمار
سبحانه المعبود منشي المزابير
من يشركون برب الارباب كفار
مذكور بالقرآن غير الأساطير
يا رب ذوقهم مرارات الاضرار
حتى يصير الموت بعيونهم خير
قولوا معي آمين يا شام الاحرار
وادعوا عليهم واصدحوا بالتكابير
وختامها صلوا علي سيد الابرار
اعداد ما يمشي على الارض ويطير
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.