الهاجس اللي يبدع القيفان
لامن ندبته دايماً موجود
مثل الصقر لا ستّل الجنحان
وحوّل على صيده وفاد الفود
إبدع يا رايد ب اعذب الالحان
مادمت شاعر وافي و معدود
اصدح وجر الصوت يا كحيلان
وخل القوافي تنحت الجلمود
يا مرحبا في حلة السمران
اهل الكرم والطيب واهل الجود
قوم ٍ على درب الفخر فرسان
ودايم عطاهم ب الوفا ممدود
من روس مهلك ربعي الشجعان
اهل الرمك و السيف و البارود
لاعج في وقت الوغى الدخان
كم طامع ٍ من فعلهم مردود
وقفاتهم تشهد لها البدوان
واللي زبنهم ماهو ابمظهود
اليا عبس وجه الزمان وشان
الاد مهلك بالعزوم احشود
ماعاد يبقى للحياه اثمان
اليا انتخت ام العيون السود
ويوم الكرم شعبه من الايمان
ننقى السمين وننحر المفرود
اسم ٍ على رجم الفخر عنوان
وبين القبايل فعلهم مشهود
تبقى مواقفهم بخشم العان
ستر البنات وحاميين الذود
افعالهم يشهد لها الميدان
يوم القبايل جالد ومجلود
اقولها وانا سليط السان
ماهو كلام ٍ ما عليه اشهود
الحق واضح و الفعل برهان
وحنّا بذلنا ب اللقى المجهود
ما تجرح ابياتي سوا الرديان
ولّا ترا الطيّب يحب الزود
ويا مرحبا واهلين بالضيفان
اعداد ما هبت هبوب النود
في حفلة النادر رفيع الشان
ابو فهد راع الوفا و الجود
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.