المعاني على فكري وقافي تمون
و المواقف لها حسبه ونقطة نظام
اللعبي يا هجوسي بعد بدع اللحون
شاعرك في حروف الشعر يرقى سنام
ما يجيب الهزل دام الفكر ما يخون
حافظ حقوق شعره والأدب له مقام
ينطق الحق ,, لو كل البشر يزعلون
لا طمع بالحرام و لا سعى للحرام
ما شحذ في قصيده لو كوته الديون
عزته تمنعه و الطيب و الاحترام
للشكاله يداحم في متونه ,, متوون
ما رقى للمراقب فوق ظهر الأنام
بارك الله بوقتٍ زادني ,, بالطعون
العزم و التحدي و الصبر و الهمام
كل طعنه بظهري علمتني أكون
ثابتٍ بالمواقف وإن صفي أمام
ودام فكري وقلبي باللقى يحتمون
ما عرفت القهر و الذل و الانهزام
شفت من دنيتي وقتٍ سنونه ,, سنون
عضته للرجال ولقمته للنعام
منه قومٍ على قول النعم يطمحون
ومنه قومٍ عن دروب المراجل صيام
ومنه قومٍ على رد الوفا يرقدون
ومنه قومٍ على رد الوفا ما تنام
وأبغض الخلق ,, خلقٍ بالخوي يشذبون
حسبي الله عليهم لين يوم القيام
لو تغطوا بثوب الود لا تظمنون
يحترون الفرص وإن طحت مالك سلاام
والوجيه النقيه سودتها الظنون
الله انه يجازي من يحد الحسام
كلمةٍ جاتني من دون طعمٍ ولون
والرجل ما يهزه غير بعض الكلام
لو سترها بضحكه ما استرتها العيون
نظرته تعكس اللى مختفي باللثام
ندمح الزله اللى ما تجي من غبون
ومن يبين ضروسه نلجمه بالجام
والشعر موهبه وأحساس قلب وفنون
ما يذل الحرار ولا يعز الحمام
قدرنا خابرينه ,, و العرب يعرفون
المواقف لها حسبه ونقطة نظام
سلم الله هجوسن جعلها ما تهوون
فجت الضيق كله مثل برق الغمام
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.