صورة الذكرى

لـ احمد منيف، 30/11/11 08:50:38 AM، في غير مُحدد

صورة الذكرى - احمد منيف

مدري شبلا صورت الذكرى تبكيني
... بالله يهل العياده وينه ادوايا
 
العام مافيه شي(ن) كان يشقيني
... اخايل نجوم وقتي وانظر سمايا
 
واليوم هم(ن) يصبحني ويمسيني
... والمشكلة انه يجيني يحبي حبايا
 
هم(ن) يتل الضماير والشراييني
... حتى البعيد المصيبه يسمع بكايا
 
اصد عنه يسار ومره يميني
... كنه ضلال(ن) يبيني يتبع خطايا
 
ياسود الايام قولي وش تخفيني
... اشوف انا النايبه من مر ذكرايا
 
اهب ياهالزمن وش بينك وبيني
... مو كافي إنا معك ماناصل الغايا
 
ماتدري النوم وينه وين ياتيني
... ماتدري ان بمنامي مشغلن آيا
 
بالله وينه ؟ ومن فيكم ؟ يوديني
... للعالم اللي دواهم نفث وقرايا
 
وجه الفرح فيه تجعيدن ومبكيني
... وعيونه رمدت ومست به عمايا
 
وحجاجها ينرفع والربط مشقيني
... ولايمشي الا بيمينه ماسك اعصايا
 
بسكت ولا قول وينه من يعزيني ؟
... لو نشكي للناس محدن يسمع شكايا
 
لكن على الله يغنيني ويشفيني...
ويرجع البسمه اللي في محيايا

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.